Berriak

Alconzaren laguntza tekniko zerbitzua, armadoreentzako konponbiderik fidagarriena eta bizkorrena

Alconza-SAT

Laguntza Tekniko honek Alconzak bezeroei zerbitzu orohartzaile bat eskaintzeko asmoz hartu duen konpromisoa islatzen du

Alconzaren Laguntza Tekniko Zerbitzuak hala motoreekin nola sorgailuekin gerta litekeen edozein gorabehera ahalik eta modurik eraginkorrenean eta bizkorrenean konpontzeko bidea eskaintzen du. Zerbitzuak argi utzi du, dagoeneko, ontzi barruko konponketei fidagarritasun osoz ekin diezaiekeela; izan ere, Alconzak bere motor eta sorgailuak diseinatu eta egiten ditu, eta horren ondorioz bertako profesionalak dira edozein mantentze-lan eta konponketari aurre egiteko pertsonarik aproposenak, ontziaren edo proiektuaren gorabehera guztietara egokituz, ontziolan, amarraturik, portuan nahiz itsaso zabalean.

Era berean, Alconzak ahal den azkarren eskaintzen dizkie konponketak bezeroei, armadore-enpresentzat azkartasuna nahitaezkoa da eta. Alconzaren profesionalek sorgailuekin nahiz propultsatzaileekin sortutako edozein arazo konpon dezakete, makina-gelan oztopo handirik sortu barik eta ontzi barruko gainontzeko lanak normaltasun osoz egin ahal izatea ahalbidetuta.

Alconza-SAT

Sorgailu kaltetuak abian jartzeaz gain, Laguntza Tekniko Zerbitzua aurrerago doa eta Alconzak emandako beste edozein motor edo sorgailuren azterketa ere eskaintzen du, bai konponketa bai azterketa enpresa fabrikatzailearen profesionalek egiten dutela ziurtatuz betiere. Alconzaren Zerbitzu Teknikoak konponketarako modu aproposena aukeratzen du eta bere lanean jatorrizko osagai edo materialak erabiltzen ditu.

Alconzaren baitan konfiantza jarri duten armadoreek asetze handia azaldu dute Laguntza Tekniko Zerbitzuak eman dituen emaitzekin. Doikuntzak egiteko epe laburra bereziki estimatzen dute, ontziaren jarduerarik gabeko epea neurri txikienera murrizten baita. Zerbitzuak edozein jazoerari erantzuna emango dio, armadoreek hala eskatuz gero, eta gainera prebentzio-mantentze egitasmo bat izateko aukera ere eskaintzen du, alegia, makinek sor lezaketen edozein arazori aurrea hartu ahal izateko erarik onena.

Alconza-SAT

Mantzentze-zerbitzuko langileek deia jasotzen duten unetik bertatik profesionalak ahal den bizkorren bertaratzen dira, kalteen zenbaterainokoa zehazteko eta konponbiderik egokiena zein den aztertzeko, epeak murrizteko eta trabarik txikienak sortzeko helburua bete nahirik une oro. Zentzu honetan, nahiz eta tokiko laguntza askoz azkarragoa den, tokikotasun horrek zailtasun handiagoa ere badakar, batez ere makina-gelen espazio txikia dela kausa. Edozelan ere Alconza prest dago zailtasun horri aurre egiteko eta normala ohi da konponketa ontzian bertan burutu ahal izatea. Ontziaren jardueran ahalik eta kalterik txikiena ekarriko duen erabakia hartzen da beti, armadorearen beraren baimenarekin

Halako jardunetan funtsezkoa da injinerutza-prozesuari, material-hornidurari eta konponketa egiteko beharrezkoak diren tresnen diseinuari ekitea, ezinbesteko logistika aintzat hartuta. Behin materialak eta tresnak eskuan izanda, zenbait profesional adituk tokira bertara jotzen dute eta beharrezko hobekuntzak eperik laburrenean gauzatzen dituzte.

Alconza-SAT

Alconzaren Laguntza Tekniko Zerbitzuak, laburbilduta, enpresak itsaso, hidroelektrika eta industria sektoreetan bezeroekin hartu duen konpromisoa islatzen du. Motor eta sorgailuen diseinutik eta fabrikaziotik hasi eta beste edozein produkturen jatorrizko ordezko piezak mantentzera eta kudeatzera arte.

Alconza “Electric & Hybrid Marine World Expo 2019” Ferian izango da

Alconza-World-Expo

Nazioarteko feria hau Amsterdamen egingo da ekainaren 25, 26 eta 27an hiri hartako Amsterdam RAI Erakusketa eta Konbentzio Gunean.

Ekitaldi honek mundo osoko erakusketariak eta bisitariak batuko ditu, propultsio elektriko sistemetan eta ontzigintzarako sistema hibridoetan azaldu diren azken nobedadeak jakitera emateko. Espezializazio handia eta erakusketarien maila altua aintzat hartuta, zalantzarik ez dago feria hau ezinbesteko bilgune bihurtu dela armadore, ontziola, ontzi-enpresa, ontzi-arkitekto, portu-operadore eta abarrentzat.

Alconzak feriara hurbildutako bisitari guztiak gonbidatu nahi ditu bere standera etor daitezen, E6079 standera hain zuzen, ontzietarako propultsio motor elektriko arloan eskaintzen dituen konponbideak eta aukerak ezagutu ahal izateko (OFSV, PSV, LNG, ontzi izotz-hausleak, ozeanografikoak, dragak, ferryak, defentsarako ontziak, kabledunak eta abar), baita era anitzetako plataformak (zulatzaileak, gas eta petrolio erauzgailuak eta abar) bertan ikusi eta ezagutzeko ere.

Ekitaldi garrantzitsu honetan parte hartzean Alconzak teknologia-berrikuntzarekin hartu duen konpromisoa indartu du. Konpromiso horri esker Alconza hainbat sektoretarako motor eta sorgailuen fabrikazioan erreferentzia bihurtu da: itsas-sektorean, sorkuntza hidraulikoan, industria-sorkuntzan eta elektromugikortasunean.

Aipatutakoaz gain, Alconza Tech Presentation Area sailean ere azalduko da ekainaren 25ean, asteartea, goizeko 11:30ean, “motor elektrikoak sistema hibridoetan integratzen” jaso duen esperientzia zabala ezagutzera emateko.

Hurrengo estekaduran zure izena bisitari gisa eman dezakezu:

https://www.electricandhybridmarineworldexpo.com/en/register.php

Zure zain izango gara.  

Alconzak 800.000 euro baino gehiagoko inbertsio diruz lagungarria jaso du garapen teknologikoa aurrera eramateko


Autobus-Irizar-Alconza
 

Inbertsioa Enpresen I+G bultzatzeko “Hazitek” laguntza-programaren eskutik dator, Eusko Jaurlaritzak deituta.

Alconzak Enpresen I+G bultzatzeko “Hazitek 2018” izeneko laguntza-programaren 826.483 euroko inbertsio diruz lagungarria lortu du. Programa hau Eusko Jaurlaritzaren Garapen Ekonomiko eta Azpiegitura Sailak deituta dago. Modu honetan, Berangoko enpresak (Bizkaian) garapen teknologikoarekin hartu duen konpromisoa bultzatzen jarraituko du. Konpromiso horri esker Alconza hainbat sektoretan motor eta propultsatzaileen erreferentzia bihurtu da, hau da, itsasoko off-shore sektorean, industria eta hidraulika sorkuntzan, erabilera berezietan eta elektromugikortasunean.

Aipatutako diru-laguntza Irizar Taldeak lortu duen inbertsio diruz lagungarriaren kopuru osoaren barnean dago, Alconza Irizar Taldearen partaidea baita. Guztira 6.956.000 euroko laguntza izan da. Inbertsio honek ‘iPower 4.0’ proiektua garatzen lagunduko du; proiektu honekin Irizar Taldeak autobusak fabrikatzeko prozesuen eraldaketa digitala lortzeko nahitaezkoa den ezagutza sortu nahi du. Horrez gain, ibilgailu elektrikoen hirugarren belaunaldia benetan gauza dadin beharrezkoak diren produktu eta zerbitzu berriak ere sortu nahi ditu.

Izan ere, Alconzaren jardueraren ardatzetako bat motor elektrikoen sorreran datza. Duela gutxi Transportes Metropolitanos de Barcelona-k ‘Irizar ie tram’ izeneko autokar artikulatuaren lau ale eskuratu ditu. Modelo honek 230 kWko propultsatzaile elektrikoa du, Alconzak diseinatu eta fabrikatua. Motor hauek 18 metroko ‘Irizar ie bus’ autobusak bultzatzeko ere erabiltzen dira. Enpresak 160 kWko propultsatzaileak ere egiten ditu, 12 metrora arteko autobusetan erabiltzeko.

Alconzak propultsio elektrikorako sistemen berrikuntza garatzeko erabili nahi du “Hazitek” programaren eskutik jasotako inbertsioa, Bizkaiko enpresa honek propultsio alorrean konponbide berritzaileenak eta jasangarrienak aurkitzeko konpromisoa bere gain hartu du eta.

Alconzak teknologia berrien alde egin duen apostu garbiak “Hazitek” programaren aurreko deialdiaren aintzatespena ere jaso zuen. Izan ere, ‘Undersea’ deritzon proiektu lehiakorrerako 443.360 euro eskuratu zituen.

Berri osoa: PDF Empresa XXI-erako Linka

Alconzaren motorrekin dabiltza dagoeneko Bartzelonako autobus elektrikoak


TMB-Alconza-bus-electrico
 

Enpresaren motorrak, garapen propiokoak, Irizarrek sortutako ie tram unitateen powertrain-ean erabiltzen dira

“Transportes Metropolitanos de Barcelona”k (TMB) eta Irizar e-mobility enpresaren ordezkariek Irizar ie tram modeloko lau autobusak aurkeztu dituzte. Autobusak %100 elektrikoak dira eta ez dute inolako isurpenik egiten. Abendutik aurrera Bartzelonako hiritarren mugikortasunean lagunduko dute.

Aipatutako autobusak H16 linean (Pg. Zona Franca - Fòrum / Campus Besòs) arituko dira eta 2014tik aurrera konde-hirian dabiltzan beste bi Irizar ie busei gehituko zaizkie, garraio garbiagoa eta eraginkorragoa egiteko helburuarekin.

Proiektua aurrera ateratzeko orduan, Alconzak hiru milioi euroko inbertsioa egin behar izan du ‘Irizar ie’ sortako autobus guztiek daramatzaten 230 kWko eta 160kWko propultsatzaile elektriko berri hauen diseinua, garapena eta fabrikazioa gauzatu ahal izateko.

18 metroko “ie bus” autobusek eta ‘ie tram’ ibilgailu artikulatuek potentzia handieneko motorrak eramango dituzte. 160 kWko propultsatzaileak, aldiz, 12 metrora bitarteko autobusek izango dituzte. Motor hauek bost minutuko epe laburrean karga daitezke sareari lotzen zaion pantografo zabalgarri bati esker, kargatzeko zutoinak dauzkaten geldilekuak aprobetxatuta. Bestetik, mugikortasun %100 garbia eskaintzen duten ibilgailu hauen bateriak TMBren garajeetan kargatuko dira gauez.

Proiektu hau gauzaturik, Alconzak hainbat sektoretarako motor elektrikoen horniduran daukan posizionamendua sendotu du: automobilgintzan, ontzigintzan, industria sektorean eta sektore hidroelektrikoan.

 

Alconza, Industriaren Egunaren laguntzaile


diadelaindustria Alconza
 

Alconza izango da Industriaren Egunaren –azaroaren 22a– enpresa laguntzaileetako bat. Egun horren eskutik, industri sektorea ageriko egin nahi zaie geroko profesionalei helmuga erakargarri gisa. Aldi berean, talentua erakarri nahi da, baita emakumeak sektore horretan sar daitezela sustatu ere, industrian gero eta emakume gehiago ari baita lanean. Egun horretan, hortaz, Bizkaiko 23 ikastetxetako Batxilergo Teknologikoko 600etik gora gaztek Lurralde Historikoko Industriako 28 enpresa adierazgarrienak bisitatuko dituzte. Ikasleek industriaren egoera barrutik ezagutzeko aukera izango dute, baita aspaldiko aurreiritziak baztertzekoa ere, zeren eta teknologikoki aurreratuak diren 4.0 industriako inguruak lehen eskutik ezagutuko baitituzte. Eguna bukatzeko, EHUko Areto Nagusian ekitaldi bat izango da. Ekitaldi hori streaming bitartez ikusi ahal izango da diadelaindustria.eus web-gunetik eta hartan parte-hartzaile guztiak bilduko dira eta industrian lan egiten hasi berri diren langileen lekukotzak izango dira.

Streaming:  diadelaindustria.eus

Twitter: https://twitter.com/fvem_es  

Facebook: https://www.facebook.com/fvem.es

Linkedin: https://www.linkedin.com/company/fvem

#DíadelaIndustriaEguna