Berriak

Alconzak I+G+B-ren aldeko apostua egin du 2022ra arteko plan estrategikoan

Alconza-ID

Helburua iman iraunkorren motorren eremuan daukan eskaintza zabaltzea da, baita digitalizazio eta automatizazio prozesuak ezartzea ere.

Alconzako egungo 2020-2022 Plan Estrategikoan ikerketa eta berrikuntza arloko partida urtean % 20 handitzea aurreikusi da. I+G+B-ren aldeko apostuak daukan helburua etorkizuneko itsasontzietarako motor berrien eraikuntzan merkatu-kuota irabaztea da; esan behar da itsasontzi horiek propultsio elektrikoa izango dutela, edota hibridoa (elektrikoa+errekuntza), eta lehiarekiko elementu bereizleak izango direla.

Hurrengo urteetan Alkonzako ikerkuntza eta berrikuntza ildo nagusiak motor hauen iman iraunkorretarako material berriak topatzera joko du. Izan ere, orain arte “Lur Arraroak” deritzogunetatik ateratako mineralak erabili izan dira iman hauek egiteko eta horrek kostu ekonomiko handia eta arrisku geoestrategikoa sortzen ditu, mineral horiek batez ere Txinan baitaude.

Alconzako proiektua material berrien esparruko ikerkuntza bultzatzean datza, alegia, material merkeagoak, eraginkorragoak eta errendimendu energetiko handiagokoak ikertzea, aldi berean ingurumen aldetik askoz jasangarriagoak ere izanda. Material berriek, gainera, hornidura-jatorria dibertsifikatzea ahalbidetuko lukete, arrisku geoestrategikoa murriztuz.

I+G+B arloko aurrekontua hurrengo urteetan urtean % 20ko neurrian handituko dela aurreikusi da. Proiektu guztiak hazi eta garatu ahal izateko, Alconzak duela gutxi Eusko Jaurlaritzako Hazitek proiektuetako zenbait laguntza jaso ditu, baita Industria Ministerioko CDTI-renak ere, bi kasuetan EAEko eta estatuko beste erakunde batzuekiko partzuergoan.

Alconzako 2020-2022 Plan Estrategikoaren beste jardun-arlo batzuk Industria 4.0 deritzogunaren hainbat arlotara zuzenduko dira, hots, fabrikatze-prozesuen automatizaziora, mihiztadurara eta muntaketara. Pertsonen nahiz industria-prozesuen segurtasunaren automatizaziorako eta digitalizaziorako konponbide berriak ezartzea aztertzen ari gara, iman-motorren muntaketa osoaren fidagarritasuna bermatuta. Alconzak Irizar taldearentzat egindako motor elektrikoen bitartez sentsorizazio eta konektibitate alorretan lortutako esperientzia aprobetxatzeko asmoa dugu. Era berean, Alconzako plan estrategiko berriaren beste ikerkuntza-ardatzetako bat zibersegurtasun planen eta programen azelerazioari dagokio, hala enpresa-jarduerarako nola merkaturatutako produktuetarako, urrutiko lana eta Alconzako Customer Serviceren mantentze prediktiboaren zerbitzuak bultzaturik. Bide batez, esan dezagun ekonomiari buruzko informazioa eskaini ohi duen Empresa XXI egunkariak duela gutxi Alconzako plan estrategikoa aipatu berri duela.

 

 

Alconzak El Hierro uharteko zentral hidroelektrikoaren sorgailuen mantentze-lanak egiten ditu


Customer Service Alconza

Alconzaren Customer Service pertsonal esentzial gisa egiaztatu zuten Covid 19k duela gutxi eragindako Alarma-egoeran

Alconzaren Customer Service langile esentzial gisa egiaztatu zuten Alarma-egoeran, Gorona del Vientok ematen dituen Oinarrizko Zerbitzu Esentzialak bere horretan manten daitezen.

“Osasun larrialdi egoeran” sartuta, Customer Service saileko Espainiatik kanpoko langileak mugitu ezinik, Kanariar uharteetako El Hierro irlako Gorona del Viento enpresak Alconzaren aldeko apostua egin zuen sorgailuen Jatorrizko Fabrikatzailea (OEM) izan dadin, makinak azter eta zain ditzan.

Gure teknikariek lan handia egiten jarraitu ahal izan dute hainbat astetan zehar. Lan horren helburua alternadoreen egoera aztertzea eta ondorioak ateratzea zen, eta, horrez gain, Zentral Hidroelektriko honek hurrengo urteetan behar bezala funtzionatzeko eman beharreko hurrengo urratsak aztertu eta prestatzea.

Horrela, Gorona eta Alconzak mantentze-zerbitzuan elkarri laguntzeaz gain, beste sektore batzuk aktibatzen ere lagundu dute, gainontzeko beharrezko zerbitzuak penintsulatik harantz mugitu ahal izateko baita irlan bertan egokitzeko ere. Gogora dezagun osasun-alertaren garaian zerbitzu horiek ez zutela ia bezerorik.

Customer Service Alconza

Zentral Hidroeolikoa, Gorona del Viento El Hierro SA-ren sistema, Meridiano uhartea energia elektrikoz hornitzeko diseinatuta dago, iturri garbi eta berriztagarrietatik abiatuta, hala nola ura eta haizea.

Parke eolikoa El Hierroko eskari elektrikoa hornitzeko gai da. Biztanleek aprobetxatzen ez duten soberakin eolikoa ura ponpatzeko erabiltzen da, beheko eta goiko deposituen artean; azken depositu horretan metatuta geratzen da ura eta ur horrek jauzi hidraulikotik elektrizitatea sortuko du haize-eskasia dagoenean.

Customer Service Alconza

Goiko depositutik datorren ura Zentral Hidroelektrikora iristen da: 2.830 kW-ko potentzia duten 4 taldek osatzen dute, 11,32 MW-ko potentziarekin guztira. Gehienez ere 2,0 m3/s-ko emaria sortzen da, 655 metroko jauzi gordinarekin.

Alconzak, OEM den aldetik, 3.300 KVA-ko 4 sorgailu hidroelektrikoak hornitu zituen 2013an, minutuko 1.000 bira emanda 3.300 Kva (6 Kv) eskaintzen dutenak, 800eko tamainakoak eta urez hoztuak, kojinete-sistema konplexu batekin eta inertzia-bolantearekin hornituak, turbinaren fabrikatzaileak errotorearen inertziari dagokionez emandako baldintza tekniko bereziak direla eta. 2014ko lehen hiruhilekoan jarri ziren martxan, eta Alconzak proiektuaren fase garrantzitsu horretan parte hartu du.

Zentral Hidroeolikoak El Hierro erreferentzia bihurtu du mundu osoan, uharte-sistemetan energia berriztagarriak sartzeari dagokionez. Sistemaren berrikuntza teknologikoak beste lurralde batzuetako arduradun politiko eta tekniko ugari erakartzen ditu, eta horiek guztiek Meridiano uhartea adibidetzat hartzen dute iturri garbien aprobetxamendua berriztagarriak integratzeko zailtasunak dituzten sistemei dagokienez, eta oro har, gas kutsagarrien isuriak berehala geldiarazteko beharra duen gure planetari dagokionez.

Customer Service Alconza
 
 

Alconzak, Customer Service dibisioaren bidez, bezeroari irtenbide integral eta malgua ematen dio bere sorgailu eta motor mota guztietarako, bai itsas sektorean, bai sektore hidroelektrikoan, bai industria-sektorean, eta aldi berean euskarri teknikoa, mantentze-lanak, ordezko piezak eta prestakuntza eskaintzen dizkio bere produktuen bizi-zikloan zehar.

Alconzako Customer Service bezeroen beharretara egokitzen den zerbitzu dinamikoa da, prebentziorako mantentze-lanetan geldialdiak minimizatuta eta zerbitzu erreaktiboetan 24/7 jardunez arituta, aurrez aurre zein urrutitik. Zerbitzua osatu nahirik, jatorrizko ordezko piezak eta osagai handiak –errotoreak eta estatore osoak, esaterako- “on condition” hornidurarekin eskainiko dira, tokian bertan azkar instalatzeko eta martxan jartzeko, betiere gure teknikariek gainbegiratuta.

Esperientzia handiko teknikari kualifikatuen talde batek osatuta, bezeroaren gogobetetasuna eta produktuaren eta zerbitzuen etengabeko hobekuntza ditu helburu. Horretarako, diagnosi-ekipo berrienak dauzka eta nazioarteko estaldura nahiz offshore estaldura ematen ditu. Alconzako Customer Service mantentze-programa espezifikoek produktua entregatzen den egunetik hasi eta 60 hilabetera arte bermearen baldintzak luzatzeko aukera ematen dute.

ALCONZAko Customer Service, Covid-19 izurrite sasoian lan egiteko prest


Customer Service Alconza

Gure urruneko zerbitzuak jarduerarekin aurrera egitea bermatzen die bezeroei

Koronabirusak (COVID-19) munduan sortu duen egoerak aukera paregabeak ere eskaintzen dizkigu. Ziurgabetasunak zipriztindutako ur ezezagunetan nabigatzen ari gara; horregatik, garrantzitsua da lan-metodologia berriak garatzea, komunikazio-kanalak zabaltzea eta, aldi berean, gure langileak eta bezeroak zaintzea.

COVID-19 izurriaren krisi globalaren eraginak nabarmen indartu du urruneko zerbitzuen balioa, ALCONZAn egiten ari garen bezala, mundu osoan pertsonen mugimendu-murrizketak ezarri zirenez geroztik. Gure helburua lan egiteko modu berri honek bezeroei jarraipen egokia bermatzean eta proiektuaren helburua lortzean datza.

Customer Service Alconza

Hona hemen bi adibide argi: estatorearen harilkatu oso berri bat egiteko fabrika onarpen frogatik (FAT) –non bezeroa ezin baita bertaratu- hasi eta gorabeherak bideo-deien bitartez konpontzera arte, Alconzaren Customer Servicek konponbiderako behar diren jarraibideak ematen ditu.

Orain arte urruneko zerbitzuak tresna ohikoenei esker ezagutzen ziren, hala nola deiak eta mezu elektronikoak. Hala ere, bideo-deietan, hodei elektronikoetan eta errealitate birtualean oinarritutako teknologia berriek aukerak zabaltzen dituzte dira alor horretan. Digitalizazio-prozesu horren helburu nagusia urruneko monitorizazio-sistema osoa gauzatzea da.

Alconzako bezero guztiek Fat-ak (Factory Atendance Test) eta urruneko diagnostiko-zerbitzuak eska ditzakete, bai eta itsasontzi batean gorabeheraren bat konpontzeko orduan beharrezkoak diren jarduerak eskatu ere, hala itsas zabalean nola portuan.

Gure lantalde teknikoa munduan zehar lekualdatzeko gaur egun dagoen oztopoa dela eta, Alconzan uste dugu une honetan urruneko zerbitzuak erabiltzea gure bezeroengandik hurbil egoteko tresnarik eraginkorrena dela, nahiz eta, egia esan, ziur gauden etorkizuna bera ere ildo horretatik joango dela; aprobetxa dezagun ikasitako ikasgaia.

Customer Service Alconza

Alconzak, Customer Service dibisioaren bidez, bezeroari irtenbide integral eta malgua ematen dio bere sorgailu eta motor mota guztietarako, bai itsas sektorean, bai sektore hidroelektrikoan, bai industria-sektorean, eta aldi berean euskarri teknikoa, mantentze-lanak, ordezko piezak eta prestakuntza eskaintzen dizkio bere produktuen bizi-zikloan zehar.

Alconzako Customer Service bezeroen beharretara egokitzen den zerbitzu dinamikoa da, prebentziorako mantentze-lanetan geldialdiak minimizatuta eta zerbitzu erreaktiboetan 24/7 jardunez arituta, aurrez aurre zein urrutitik. Zerbitzua osatu nahirik, jatorrizko ordezko piezak eta osagai handiak –errotoreak eta estatore osoak, esaterako- “on condition” hornidurarekin eskainiko dira, tokian bertan azkar instalatzeko eta martxan jartzeko, betiere gure teknikariek gainbegiratuta.

Esperientzia handiko teknikari kualifikatuen talde batek osatuta, bezeroaren gogobetetasuna eta produktuaren eta zerbitzuen etengabeko hobekuntza ditu helburu. Horretarako, diagnosi-ekipo berrienak dauzka eta nazioarteko estaldura nahiz offshore estaldura ematen ditu. Alconzako Customer Service mantentze-programa espezifikoek produktua entregatzen den egunetik hasi eta 60 hilabetera arte bermearen baldintzak luzatzeko aukera ematen dute.

 

 

 

Alconzak duela gutxi gertatutako baso-suteen biktimei laguntzen dien Itsas armada australiarraren ontziaren mantentze-lanak burutzen ditu.


Alcnoza Adelaide

HMAS Adelaide Australiako itsasontzi handiena da.

Alconzaren Customer Service dibisioak hainbat urte daramatza HMAS Adelaide itsasontziaren aldizkako mantentze-lanak egiten; modu honetan euskal enpresa honek zerbitzu alorrarekin daukan apustua indartzen du, hain zuzen ere mota honetako ontzien Bizitza Zikloaren Sostengu (BZS/ACV) esparruan arituta.

HMAS Adelaide Itsas armadaren ontzirik handiena da, HMAS Canberra bere bikiarekin batera. Biak Canberra Klasearen baitan daude eta Australiako Itsas armadak itsasontzi hauek hondamendi naturalen eta larrialdien biktimei laguntzeko erabili ohi ditu.

Modu honetan Alconzak bi helburu betetzen ditu: alde batetik, makineria elektriko birakariaren diseinu eta fabrikazioan erreferentzia garbia da; bestetik, berriz, mantentze-lan eremuan ‘partner’ gisa kokatzen da, hala lan erreaktiboetan nola prebentzio-lanetan. Aurrekoaren adibide argia dugu Itsas armada australiarrarentzat egindako honako proiektu hau.

Alconzak HMAS Adelaide ontziari aipatutako mantentze-lana eskaini zion duela zenbait hilabete eta ontzi horrek berak, hain zuzen ere, parte-hartze aktiboa izan du Australiako zati bat hondatu duten baso-suteen biktimei eskainitako laguntza lanetan. Gogora dezagun sute horiek 10 milioi hektarea erre dituztela, alegia, Hungariako hedadura adinako zatia.

Alcnoza Adelaide

HMAS Adelaidek zehatz-mehatz bost azterketa-aireontzi garraiatu ditu, baita suteek isolatutako eremuetara tropak eta elikagaiak eraman ere. Mota honetako ontzi anfibio hauek operazio militarrak egiteko ez ezik hondamendi naturaletan eta larrialdietan ere zibilei laguntzeko ahalmena badutela argi geratu da, beraz.

Ontziak espazio zabala dauka hangarretan, baita kai-muturra ere, bertan babes zibilerako makineria eta giza laguntza biltzeko edukiontziak estibatu ahal izateko. Larrialdietarako eta salbamendurako ekipoak ere bertan utz daitezke. Bere osasun-instalazio modernoak ere aipatu beharra dago, erabat ekipatutako ospitalea dauka eta.

Alconzak, OEM gisa, ontzi bien sorgailu nagusiak hornitu ditu, baita maniobra-motorrak edo ‘thrusterak’ ere. Itsasontzietan sartutako makineriaren potentzia 17 Mw baino gehiagokoa da ontzi bakoitzean.

Alconzak, Customer Service dibisioaren bitartez, konponbide integral eta malgua eskaintzen dio bezeroari sorgailu eta motor mota guztietan, bai itsas sektorean bai hidroelektrikoan nahiz industrialean, bide batez produktu guztien bizitza zikloan zehar euskarri teknikoa, mantentze-lana eta formakuntza ere eskainita.

Alconzaren Customer Service deritzoguna bezeroen beharrizanetara moldatzen den zerbitzu dinamikoa da, mantentze-lan prebentiboetan eta erreaktiboetan geldialdiak minimizatzen dituena. Eskarmentu handiko teknikari trebe talde batek osatua da eta bere helburua bezeroa asebetetzean eta produktu eta zerbitzuak etengabe hobetzean datza. Xedea betetzearen bidetik, diagnosi ekipo berrienak dauzka eta nazioarteko estaldura nahiz offshorea eskaintzen ditu. Alconzaren Customer Serviceren mantentze-progama espezifikoek bermearen baldintzak 60 hilabetera arte luzatzeko aukera ematen dute, produktua entregatzeaz geroztik.

Alconza, bigarren Industria Egunean bistitatuko diren enpresen artean


diadelaindustria FB 01
 
Hurrengo azaroaren 6an izango da Industria Eguna, industri sektorea ageriko egin nahi duena geroko profesionalei helmuga erakargarri gisa. Aldi berean, talentua erakarri nahi da, baita emakumeak sektore honetan sar daitezela sustatu ere.
Eguneko lehen ordutik, batxilergoko eta lanbide heziketako lehen mailetako mila gazte inguru, erreferentzia diren 33 enpresa bisitatuko dituzte aldiberean, Bizkaia osotik zehar. Horien artean, Alconza Berango SL bere ateak irekiko dizkio parte hartuko duten taldeetako bati. Ikasleek industriaren egoera barrutik ezagutzeko aukera izango dute, baita aspaldiko aurreiritziak baztertzekoa ere, enpresen teknologia, prosezu produktiboak, langileen profilak eta abar ezagutuz.
Eguna bukatzeko, BEC-eko Areto Nagusian ekitaldi bat izango da, zein streaming bidez zuzenean jarraitu ahal izango den diadelaindustria.eus webgunetik. Han, parte haruko duten 33 taldeak bilduko dira eta hainbat sorpresa eta lekukotzak batuko ditu.
diadelaindustria.eus
#DíadelaIndustriaEguna